Saturday, September 25, 2021
Google search engine
Homeදේශීය පුවත්සැප්තැම්බර් 15 සිට ගොවීන්ට කාබනික පොහොර

සැප්තැම්බර් 15 සිට ගොවීන්ට කාබනික පොහොර


ගොවීන්ගේ අවශ්‍යතාවය මත පොහොර ලබා දෙන්නේ නෑ

ලබන සැප්තැම්බර් 15 වැනිදා සිට නව ක්‍රමවේදයක් යටතේ ගොවි බිමේ පාංශු පරීක්ෂණයක් සිදුකර ගොවීන්ට කාබනික පොහොර ලබාදීමට කටයුතු කරන බව කෘෂිකර්ම අමාත්‍යංශයේ ලේකම් ජ්‍යෙෂ්ඨ මහාචාර්ය උදිත් කේ. ජයසිංහ පැවැසීය.

මෙම නව ක්‍රමවේදයේදී මීට පෙර සිදුකළ ආකාරයට ගොවීන්ට සිය අවශ්‍යතාව මත පොහොර ලබා ගැනීමට නොහැකි අතර ගොවි බිමට අවශ්‍ය පොහොර ප්‍රමාණය හඳුනාගෙන එම ප්‍රමාණය පමණයක් ලබාදෙන බවද ලේකම්වරයා සඳහන් කළේය.

Organic Fertilizer Buy organic fertilizer in Srinagar Jammu & Kashmir India

ඊයේ (05දා) ජනාධිපති මාධ්‍ය කේන්ද්‍රයේදී රසායනික පොහොර තහනම පිළිබඳ පැවැති සාකච්ඡාවකට එක්වෙමින් හෙතෙම මේ බව ප්‍රකාශ කළේය.

‘‘අපි දැන් කියල තියෙනව තමන්ගෙ පොහොර තමන්ට හදාගන්න කියලා. අපි ඒ සඳහා දිරිගැන්වීම් දීමනාවක් ලබාදෙනවා. එම පොහොර ප්‍රමාණය මදි කියලා අපි දන්නවා. ඒ නිසා තමයි කාබනික සම්භවයක් තියෙන නයිට්‍රජන් ලංකාවට ගේන්නෙ. පොටෑසියම් ගේන්නෙ. මේටික අපි ගොවියාට දෙනවා. ගොවිජන සේවා දෙපාර්තමේන්තුවේ අදාළ ප්‍රාදේශීය කාර්යාල හරහා මේවා ලබාගන්න පුළුවන්.

අපි හැම කුඹුරකම පාංශු පරීක්ෂාවක් කරනවා. දැනටමත් අම්පාරෙන් මෙම පාංශු පරීක්ෂාව ආරම්භ කිරීමට සැලසුම් කරල තියෙන්නේ. ලබන සතියේ එය ආරම්භකරනවා. ඒ අනුව සෑම ගොවියකුටම අංකයක් ලැබෙනවා. එම ක්‍රියාවලියට කෘෂිකර්ම පර්යේෂණ සහකාර නිලධාරීන් හා කෘෂි උපදේශකවරු සහභාගි වෙනවා. ඔවුන්ට අවශ්‍ය පුහුණුව දැනටමත් ලබාදෙනවා. මේ පාංශු පරීක්ෂාවට අනුව අපි තීරණය කරනවා එක් එක් ගොවියාට අවශය පොහොර ප්‍රමාණය කොපමණද කියලා. එතකොට කලින් වගේ තමන්ට මෙච්චර ඕනෙ කියලා ගොවීන්ට පොහොර ඉල්ලන්න බැහැ. අපි අවශ්‍යතාව හඳුනාගෙන අවශ්‍ය ප්‍රමාණය ලබාදෙනවා.”

නයන තරංග ගමගේ


Ada Puwatha

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments