Saturday, September 18, 2021
Google search engine
Homeදේශීය පුවත්ශ්‍රී ලංකාවේ මාධ්‍යවලින් විමුක්ති කුමාරතුංග කළ ඉල්ලීම මෙන්න

ශ්‍රී ලංකාවේ මාධ්‍යවලින් විමුක්ති කුමාරතුංග කළ ඉල්ලීම මෙන්න


ලංකාවේ දේශපාලනයට පැමිණීම ගැන විමුක්තිගෙන් ප්‍රකාශයක්

ශ්‍රී ලංකාවේ දේශපාලනයේ නිරත වීමට තමාගේ කිසිදු අදහසක් නොමැති බව වෛද්‍ය විමුක්ති කුමාරතුංග ප්‍රකාශ කර තිබේ.

නිවේදනයක් නිකුත් කරමින් ඔහු ප්‍රකාශ කර ඇත්තේ තමන් ශ්‍රී ලංකාවේ දේශපාලඥයෙකු ලෙස කටයුතු කිරීමට බලාපොරොත්තු වන බවට පළ වන වාර්ථා සම්පූර්ණයෙන් බැහැර කරන බවයි.

මේ අතර අදාළ නිවේදනයෙන් ඔහු වැඩිදුරටත් ඉල්ලා ඇත්තේ ගෞරවණිය, සරල සහ අප්‍රකට ජීවිතයක් ගත කිරීමට දැඩි උත්සාහයක් දරා ඇති බැවින් තම පෞද්ගලිකත්වයට ගරු කරන ලෙසයි.

අදාළ මාධ්‍ය නිවේදනය පහතින්.

උපුටා ගැනීම

ප්‍රබල දේශපාලන පවුලක පුතෙකු ශ්‍රී ලංකා දේශපාලන කරලියට පිවිසීම සඳහා අවශ්‍ය පසුබිම සකස් කරමින් පවතින බවට පසුගිය දිනවල මාධ්‍ය වාර්ථා කර තිබුණි. ඒ වාර්ථා වලට මාගේ කිසිම සම්බන්ධයක් නොමැති බව තරයේ ප්‍රකාශ කරමි.

ඉකුත් වසර 21 පුරාවටත්, තවදුරටත් පශු වෛද්‍යවරයෙකු ලෙස මාගේ වෘත්තියටත් සහ පශු අක්ෂි වෛද්‍ය විද්‍යාව සම්බන්ධ විශේෂඥ පුහුණුව සඳහාත් සම්පූර්ණයෙන් කැපවී එක්සත් රාජධානියේ සේවය කරමින් සිටිමි.

මාගේ මාතෘ භූමියට මම ආදරය කරමි. මාගේ පෞද්ගලික හැකියාවන් තුළින් මා වැදගත් වෙතැයි සිතන සමාජ සේවා කටයුතු පිළිබඳව අන් අය දැනුවත් කිරීම සහ ඒවා වෙනුවෙන් කටයුතු කිරීමට මම බලාපොරොත්තු වෙමි. එහෙත් ශ්‍රී ලංකාවේ දේශපාලනයේ නිරත වීමට මාගේ කිසිම අදහසක් නොමැති බව ඉතා පැහැදිලිව ප්‍රකාශ කර සිටිමි. එම නිසා අනාගතයේ මා ශ්‍රී ලංකාවේ දේශපාලඥයෙකු ලෙස කටයුතු කිරීමට බලාපොරොත්තු වන බවට පළ වන වාර්ථා සම්පූර්ණයෙන් බැහැර කරන මෙන් සියලු දෙනාගෙන් ඉල්ලා සිටිමි.

ගෞරවණිය, සරල සහ අප්‍රකට ජීවිතයක් ගත කිරීමට මා දැඩි උත්සාහයක් දරා ඇත. මාගේ පෞද්ගලිකත්වයට ගරු කරන මෙන් මම ශ්‍රී ලාංකේය මාධ්‍යවලින් සහ මහජනතාවගෙන් ඉතා කාරුණිකව ඉල්ලා සිටිමි.

මෙයට,
හිතවත්,
වෛද්‍ය. විමුක්ති කුමාරතුංග


Ada Puwatha

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments