Saturday, September 25, 2021
Google search engine
Homeදේශීය පුවත්60ට වැඩි අයට කඩිනමින් පීසීආර්

60ට වැඩි අයට කඩිනමින් පීසීආර්


ජනපති සෞඛ්‍ය අමාත්‍යාංශයට දුන් උපදෙස් මෙන්න

වයස අවුරුදු 60ට වැඩි නිදන්ගත රෝග ඇති පුද්ගලයන්ට කොවිඩ් ආසාදනය වී ඇත්දැයි සොයා බැලීම සඳහා පීසීආර් පරීක්ෂණ කඩිනමින් සිදුකරන ලෙස ජනාධිපති ගෝඨාභය රාජපක්ෂ සෞඛ්‍ය අමාත්‍යාංශයට ඊයේ (12) උපදෙස් ලබාදී ඇත.

කොවිඩ් ආසාදිතව මිය යන පුද්ගලයන්ගෙන් බහුතරය වයස අවුරුදු 60 ඉක්මවූවන් බැවින් මරණයෙන් ඔවුන් ආරක්ෂා කරගැනීම සඳහා මෙම පියවර ගැනීමට නියමිතය. වයස අවුරුදු 60 ඉක්මවූවන්ගේ පීසීආර් පරීක්ෂණ සිදුකර ඔවුන්ට රෝගය වැලඳී ඇත්දැයි පරීක්ෂා කිරීමට නියමිතය. මෙහිදී දියවැඩියාව, හෘද රෝග, වකුගඩු රෝග වැනි බෝ නොවන රෝගවලට ගොදුරු වී ඇති වයස අවුුරුදු 60 ඉක්මවූවන්ට පීසීආර් පරීක්ෂණ සිදු කෙරේ.

එහිදී තවදුරටත් ජනාධිපතිවරයා සෞඛ්‍ය ප්‍රධානීන්ට අවධාරණය කළේ රට වසා දැමීම සඳහා තමන් කිසිදු තීරණයක් ගෙන නොමැති බවයි.

ජනාධිපතිවරයා හා සෞඛ්‍ය බලධාරීන් අතර ඊයේ (12) පැවති සාකච්ඡාවේදී මෙම උපදෙස් ලබාදී ඇත. මෙම වැඩපිළිවෙළ ක්‍රියාත්මක කිරීම සඳහා ප්‍රාදේශීය සෞඛ්‍ය බලධාරීන් ද දැනුවත් කරමින් සෞඛ්‍ය අමාත්‍යාංශය චක්‍රලේඛයක් නිකුත් කිරීමට නියමිතය.

උදයජීව ඒකනායක


Ada Puwatha

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments